நயன்தாராவுக்கு இணையாக சம்பளத்தை உயர்த்திய நடிகை பூஜா ஹெக்டே!.

சென்னை: நடிகை நயன்தாராவுக்கு இணையாக பூஜா ஹெக்டே சம்பளத்தை உயர்த்தி உள்ளார்.

கோலிவுட்டில் நடிகர் ஜீவா ஜோடியாக முகமூடி படத்தில் ஹீரோயினாக அறிமுகமானார் பூஜா ஹெக்டே. அந்த படத்தில் அவரது சம்பளம் ரூ. 30 லட்சம். தற்போது தென்னிந்திய மொழிகளில், நடிகை பூஜா ஹெக்டேவுக்கு மார்க்கெட் உயர்ந்துள்ளது.

இதுவரை அவர் தெலுங்கு, இந்தியில் நடித்த படங்கள் நல்ல வசூல் ஈட்டி உள்ளன. சமீபத்தில் அல்லு அர்ஜுடன் நடித்த தெலுங்கு படமும் மாபெரும் வெற்றி பெற்றது. இதையடுத்து தனது சம்பளத்தை ரூ. 5 கோடியாக உயர்த்தி இருக்கிறாராம் பூஜா ஹெக்டே.

இது நயன்தாரா வாங்கும் சம்பளத்துக்கு இணையானது. ஏற்கனவே தெலுங்கில் மகேஷ்பாவுடன் நடித்தபோது ரூ. 2 கோடி சம்பளம் வாங்கி உள்ளார். தற்போது இந்தியில் 2 படங்கள், தமிழில் விஜய்க்கு ஜோடியாக ‘தளபதி 65’ படம், தெலுங்கில் 2 படங்கள் என்று 5 படங்களில் நடித்து வருகிறார் பூஜா ஹெக்டே.

அவர் நடித்த எல்லா படங்களும் வெற்றி பெறுவதால் சம்பளத்தை உயர்த்தி இருப்பதாக கூறப்படுகிறது.

செய்தி நாகராஜன் நிருபர்.
பூதலூர்